Bom iap, ia 3 ngut ki nonglute

Shillong,15 Naitung:
Laingut ki nonglute ki la shah bom iap ha u paidbhur bad katei ka jing jia ka la jia ha ka miet lah sngi u Blei ha ka shnong Jambal kaba hap hapoh Rongjeng Police Station, ha East Garo Hills.
Ia katei ka jingjia ki nongshong shnong katei ka shnong ki la pyntip sha ki pulit mynta ka sngi, bad katkumh ka khubor pulit la iathuh ba ki nonglute ki la wan sha katei ka shnong da ka kynhun ban dawa pisa hynrei u paidbhur u la bom iap ia laingut na ki katba kiwei pat ki la lait phet.
Ha katei ka jingjia la iathuh ba ka kynhun ki runar ki la rung sha katei ka shnong ha ka janmiet lah sngi u Blei bad ki la dawa pisa na ki nong shong shnong, ki la byr ngem ia ki riew rangbah katei ka shnong da kab apynap pistol bad haba ki paidbahur ki la sdang ban ia leh pyrshah ki la siat pyntieng sha suin. Hynrei u paidbhur um shym la randien hynrei u la tur beit beit ban ia leh pyrshah ia ki , ha katei ka jingjia laingut na ki la ioh bat katba kiwei pat ki la lait phet , bad ia kitei ki laingut u paidbhur u la bom iap syndon .Ki pulit ka Rongjeng ki la hiar mynta ka sngi sha katei ka shnong ban leit shimti ia ka metiap jong kitei ki laingut ki runar.