Shillong: “Lada donkam ngin mih sha surok, ban dawa na ka bynta ban thaw ia ki ain, kiba pyn myntoi ia ki trai shnong jong ka Jylla” ong ka rai jong ka State Executive Meeting jong ka seng BJP, kaba la pynlong mynta ka sngi.
Ha katei ka jingialang, la rai ruh ban dawa na bynta ka rel kit mar, ba kan poi haduh ha Shillong bad katei ka long, halor ka rai jong ka sorkar India, ban pynpoi rel sha baroh ki nongbah jong ka thain shatei lam mihngi.
Ia katei ka jingialang, la pyniaid da U Bah Ernest Mawrie, President ka seng BJP bad la kren maitphang da U Ram Madhav, National General Secretary jong ka seng BJP.
Ka BJP, ka dawa ruh na ka sorkar Jylla, ba kan shna ia ki ain, kiba shai bad kiba iahap bad ka jing iada mariang, na ka bynta ban tih dewiong ha ka Jylla, na ka bynta ba kan mih ka kamai kajih jong u paidlang ka Jylla, namar ba ka jylla ka shaniah ia ka jing ioh kamai na ki mar poh khyndew.
Ka BJP, ka jingmut ruh ia ka sorkar Jylla, ba kan peit ia ki jait khajna aiu, ba ka ioh lum, na ka bynta ban pynshlur ia ki trai shnong, kin pynmih dalade ia kitei ki jait mar, kiba wan kit borabor na shabar Jylla.
Ka BJP, ka kwah ruh ba ka sorkar Jylla, kan nang pynshlur ia ka kam shang pyrthei, da kaba shna bha ia ki jaka sah jong ki nongleit kai bad ban nang pynbun ia ki jing pynbna ia ki jaka shangkai pyrthei ha ka Jylla, ba kin tip sha kylleng ka Ri.
Ngi ruh ngin mih Madan ban pyrshah ym dei ba nang tang ma phi. Namar ngim kwah ba wan wanrah Jing eh ia ki longdin. Ne ban pynap jing ma ia ngi ki trai jaka