Ngi kum nongshong shnong jong ka shnong Mawshun ngi pynpaw iaka jingbitar bad ka jingsngew som shikatdei eh ia ka jingkren kynthoh jong u secretary ka KSU border area unit u samla Riskhem Khonglah, halor ka jingkynnoh khlem nongrim jong u iaki nong kitkam shnong khlem da tip iaka sdang ka kut bad iaka tynrai jong ka jingjia baroh.
Ula kynnoh da kaba ong ba ki nong kit kam kim dei ban pyntieng pyn smiej iaki nongshong shnong. Naei u ioh ia ka sabut bad ka sakhi haba ula nud ban kren pynrem kumtei khlem da burom shuh ia ki nong ialam shnong ialam thaw kiba la jied kynsai da u paidbah nong shong shnong,hato une u briew u dei u nong ialam paidbah ne u nong pynshit baidbah ne??? Kane hi kala pyn ing iaka mynsiem jongngi kum ki nong shong shnong baroh.
Haka jingshisha kum ki nongialam paidbah ula dei ban wad iaka tynrai jong ka jingjia da kaba leit ban iakren ha baroh arliang mamla, hynrei une briew um shem laleh kumta bad u khlem leit ban iakynduh bad ki nong synshar jongka shnong.
Ka shnong mawshun kaba don 1942 ngut ki nongshong shnong bad 395 tylli ki long ing ka bud ryntih bad mynjur lang ia ka jing pynbeit jong ka committee shnong ha kaba kum kane ka por jong ka jing lyngshop jong kane ka khlam covid 19, hynrei tang ia kita ki 10-14ngut kiba pyrshah u la sngap noh, balei um kwah ban iakren ne wad ia ka jingshisha na baroh arliang mamla?
Ka jingkam jong kito ki briew kiba pyrshah da kaba ong “ki nongshong shnong ki pyrshah” ngi pynrem namar ki don tang kumba 10-12 ngut kiba kwah ban pyn thoh bria iaka shnong ka thaw.Hynrei ngi ki nongshong shnong kiba bun ngi hun bad mynjur lang ia kaei kaba ka committee ka thaw iaki lad ki lynti khnang ban ia im lang u duk u suk bad kum ka jingburom lang para nong shong shnong naduh kiba don card ne ki bym don card rashon ruh ban ioh khaw lang.
Kumta ngi ki paid nongshong Jong ka shnong mawshun ngi dawa mardor ia u secretary jong ka KSU border area unit ba u dei ban pan map halor kitei ki ktien kynthoh bad pynshit jong u lyngba ki social media iaki nong kitkam shnong kaba khlem nong rim bad ka bym lah ban pdiang,bad udei ruh ban panmap lyngba ki social media kumba ula kren ruh lyngba ki media khnang ba ki paidbah kin sngewthuh.
U samla Ejohncy Khongjee na shnong Mawshun bad 52 ngut ki nongshong shnong.
Phi don ban ong eiei?