Nongpoh: Mynta ka sngi ki Nongialam ka Synjuk ki Rangbah shnong jong 14 tylli ki shnong kiba don hapoh ka Mawrong Road, ki la pynlong da ka jingialang kaba kyrkieh ha shnong Bir, kata hadien ba ki la ioh ia ka jingjor na ki nongap ha katei ka khyrdop, halor ka jingdon jong uwei u riew rangbah uba la ialeh pyrshah bad pyni bor ia ki nongap ha katei ka khyrdop, kaba dei ruh ka khyrdop kaba ki la shna kyrpang, na ka bynta ban khanglad ia ka rung ka mih kaba pathar jong ki paidbah bad khamtam eh ia ki briew nabar bad ki bym ithuh ithaw.
Ha katei ka jingialang kaba ki la pynlong mynta ka sngi, la donlang da u Bah B.B Makdoh, President ka Synjuk ki Nongialam 14 shnong ka Mawrong Road lem bad baroh ki nongialam shnong jong kitei ki 14 tylli ki shnong kiba don ha katei ka thain.
Lyngba jong katei ka jingialang, kitei ki nongialam shnong, ki la pynlong ia ka jingiatai kaba sani bha bad pynrem jur ia ki kam pyni bor da utei u riew shimet, ia kaba ki la kynnoh ba dei u Bah Hoping Kurbah, ia kaba ki la ong ruh ba um dei u nongshong shnong jong katei ka thain bad ha ka por ba u iaid na katei ka lynti um don ia ka Curfew Pass.
Ha ka jingiakren ha katei ka jingialang, kitei ki nongialam shnong, ki la ong ba ka jingbuh jong ki ia katei khyrdop ha katei ka jaka, ka long ban pyrkhing ia ka rung ka mih pathar jong ki paidbah ha katei ka thain bad ruh ban telakam ia ka jingwan ki nongwei, ha kaba ki la jied khnang ia katei ka jaka ban buh ia katei khyrdop, namar ka dei ka jaka kaba long kum ka jaka rung kaba la pyniasoh pat ia kiba bun tylli ki shnong jong ka Mawrong Road.
Ka jingbitar jong kitei ki nongialam shnong kam dei tang ia utei u riew shimet, hynrei ki la bitar ruh halor ka jingbym iatreilang da ki Pulit ka Umsning Out Post, namar katkum ka jingkren da kitei ki nongialam shnong, la ong ba ki pulit kim shem la iatreilang, namar haba ki ujor lane ban pan jingiarap halor katei ka jingjia, ym shem la don kiba la pynshah skhor ia ki.
Kumta haba pynpaw ia katei ka jingbym hun halor ka jingiatreilang bad ki Pulit ka Umsning Outpost, kitei ki rangbah shnong jong katei ka thain, tang mar iakut katei ka jingialang, ki la leit ban tur sha Umsning Police Outpost, da ka jingthmu ban leit pan jingshai na u Incharge jong katei ka OP, hynrei namar ba um dei, kim shem la ioh ban kynduh.
Hadien ka jingbymioh ban iakynduh, ki la shim ia ka rai ba kin leit kynduh lashai ka sngi bad nalor kata kin sa phah ruh ka jingpyntip sha ka DC bad SP ka Ri Bhoi, kaba long kum ka jingkyntu ia ki ba ki dei ban kyrshan ia katei ka Synjuk ki Rangbah shnong, kiba la buh khyrdop ha katei ka jaka, kaba long kum ka jingpyrkhing ia ka jingioh mih laitlan ki paidbah.
Namarkata, na ka liang kitei ki nongialam ka Synjuk, ki la kyntu ia baroh ki briew na kiwei kiwei ki jaka bad kiba thmu ban leit donkam ha katei ka thain, ki dei ban da kren shai ha ki nongap ha katei ak khyrdop, namar kumba ka long hi ba ha katei ka khyrdop ym shah ban rung lane mih katba mon, hynrei la shah tang ia kito kiba don shisha ia ki kam kiba kyrkieh kum ha ka pang ka shitom bad ruh ia kito kiba la ioh jingbit na ki bor sorkar.
Une u bb makdoh lei udei uwei naki briew ma meng bd sngew heh shuh2 bn ia kiwei u ruh ialade u iaid u mih daka kali khlm pass sharum shaneng..
Phi tip kumno ia kata?? Une udei u Rangbah Shnong jong ngi u hap ban iaid sharum shaneng ban peit ia ka jingioh bam ioh dih ki briew hapoh shnong bad ha Ka pang Ka shitom. Ynda lip ka light ba sniew ki post electric ruh u hap ban leit peit. Namar sorkar jong phi ka la lah eh ban wan kyrkieh wut wut lada jynjar ki briew. Um iaid sngew MENG. U iarap pynban. Lada sngew thud wan long rangbah shnong noh maphi. Sa peit phi lah pynbiang ne em.
Kumno me tip ba u iaid sharum sha neng..me tip kham bha ma me mung ..mem peit ia ka jingjl trei shitom jong i bn pynbiang …me lah shu krn me..