Bitar ka Sonia bym khot MR U Modi

New Delhi,6 Nailar: 
Ka President ba rangbah duh jong ka seng Congress ka Sonia Gandhi, mynta ka sngi ka la kynthoh ia ka sorkar u Narendra Modi da kaba ong ba ka la leh sarong palat da kaba kyntait noh ia u myntri rangbah na ka Congress ha ka por ba la ia soi ia ka soskular ia suk bad ka NSCN (IM).
 ”Ka jingiasoi soskular ka lah ban long ka sngi sah kynmaw hynrei kat ia u myntri rangbah uba dei ban don bynta lang pat ym shym lapyntip eiei, hat kane kam pyni ia ka jingsarong ka sorkar” ong ka Sonia haba kren sha ki lad khubor.
“Ka sorkar ka ju ong ba kan ia treilang bad ki myntri rangbah jong ki jylla, hynrei katei ka sienjam ba ki shim ka pyni ba ki la sarong palat, ka dei ka jingpynjah burom ia u myntri rangbah bad ia ki paidbah ka jylla baroh kawei” ka la ong biang.
“Ngi kyndit ba u Myntri Rangbah Duh um shym la patiaw eiei ia ki myntri rangbah jong ki jylla, kum ka Manipur, ka Assam, Arunachal Pradesh kiba shah ktah” bteng shuh shuh katei ka heh Congress. Katba u Rahul Gandhi pat u la ong ba u Modi u la set kak ia ka sur ki paidbah jong ka Manipur, Assam bad Arunachal Pradesh.