Bitar ka RBYF ba thut bording ha Ri Bhoi Sepngi

Nongpoh:Ki nongialam ka Ri Bhoi Youth Federation (RBYF), Western Zone, ki la pynpaw ia ka jingbitar halor ka jingthut kaba khah khah ka bording Ilektrik, ha kiba bun ki shnong kiba don ha ka thain Ri Bhoi Sepngi, namar ha kiba kum kine ki Lyiur ka bording ha katei ka thain ka la long kaba thut shaba palat bad kaba la wanrah ruh ia ka jingduhnong kaba khraw ia ki paidbah kiba sah ha katei ka thain.

            U samla R. Nongtri, Publicity Secretary ka RBYF, Western Zone, u la ong ba ka jingthud ka bording ilektrik ha ki thain Ri Bhoi Sepngi, ka la pynbitar ym tang ia ki nongialam ka seng, hynrei wat ki paidbah ruh, ki la bitar shisha, namar ka bording ilektrik ha katei ka thain bun kaba lip ban ia kaba meh.    

 Kumta haba iadei bad katei ka jingthut ba khah khah ka bording ha katei ka thain, u la dawa jur na ka MeECL ba kam dei ban tip tang ban lum ia ka bai bording, hynrei ki dei ruh ban shimkhia ha ka ban pynbiang ia ka bording na bynta ki paidbah kiba sah ha katei ka thain, u la bynrap.