Bitar ka NEHUSU ba leit tuklar ka seng VPP, phah mih noh, ioh ki shah khang bad ym lait mih shuh

Shillong:U President ka NEHSU u samla Sandy Sohtun ula pynpaw ia ka jingbym pdiang ban wan tuklar hapdeng ka jingiakhih ki samla pule ka NEHU. Ia kane ula pynmih hadien ba ki nongialam ka Voice of the People Party (VPP) kila leit mih sha katei ka skulbah hapdeng ka jingiakhih jongki.

U samla Sandy ula ong ba ki nongialam ka VPP ki dei ban mih noh na katei ka jaka bad lada kim mih, kin khang noh ia ka skulbah ban ym ioh shuh mano mano na katei ka jaka. Ula kren ia kane ha phyllaw ka skulbah ha kaba la don ki nongialam ka VPP, u Vice Chancellor ruh.
U la ong ba ki samla pule kin iakhih beit ban dawa ba u Vice Chancellor u dei ban hiar shuki mardor bad kin ym sangeh haduh ba kin ioh ia ka jingdawa.

“Ngim kwah mano mano ban wan tuklar mano mano hapdeng jong ngi. Ka jingkwah jong ngi, ka long ban dawa ba u Vice Chancellor u dei ban hiar shuki mardor. Ngim sngap iano iano, sngewbha ia leit la kajong ka lynti, lym kumta, ngin khang ia ka skulbah, ngin ym ioh ban pynmih iano iano ruh”, la ong u samla Sandy.

Kine ki samla pule kane ka skulbah kila pyllong ia ka jingiakhih shah thngan khlem pud bad ka jingkhangdam ia ka skulbah ban dawa hiar shuki ia u Vice Chancellor u Pro. Prabha Shukla Shankar halor ka jingkuman jong u, ban kyntait ban weng noh ia u Registrar bad u Deputy Registrar.