Bitar ka KSU Thyllaw bym ioh peit world cup

Shillong, 7 Naitung:
Ka KSU Thyllaw Border Unit ka pynpaw ka jingsngew bitar ia ka jingduh bording kaba man ka por shwa ban sdang ki jingialehkai ka World Cup.
Kane ka jingduh bording ka la pynbitar ia ki paidbah namar ba shwa ban sdang ka jingialehkai kata naduh 9 baje janmiet ka bording ka jah beit man ka sngi bad ka meh haduh ban da poi ka por 7 baje mynstep.
Ka KSU ka kyntu iaka tnad MeECL Mawsyn ram ba kan shimkhia namar kane ka jingap khmih lynti jongki paidbah ban iohi iaka jingialehkai World Cup ka pynbitar iaki namar ba shwa ban sdang ka jingialehkai ka light ruh ka jah bad ka mih pat ynda kala dap 7 baje mynstep.
Ka seng ka kyntu ia katei ka tnad ba ka dei ban sangeh ka jingpynlip bording ha ki kynta ba don ka jingialehkai phutbol, namar ba ka dei ruh ka jingialehkai kaba iohi tnag shisien saw snem. Ia kane ka kyrwoh la pyllait da u Bah Ebanjune Ramsiej, President KSU Thyllaw Border Unit.