Bitar ka HANM kynthei ba shu ap kai 6 kynta Ban iakynduh ia U Mukul

Shillong 08 K’Lyngkot:
Ka Hynniewtrep A chik National Movement (HANM) Women Wing, ka la pynrem jur ia u Myntri Rangbah Mukul Sangma u jingbym khein briew jongu ban phah ap haduh hynriew kynta khlem ioh iakynduh.
Ka president ka HANM Women Wing, ka Kong Bety Jyrwa bad general secretary B Sungoh ki la ong ba hynne ka sngi ka 7 tarik Kylla lyngkot,ki la buh ban iakynduh ia u Mukul naduh ka por 1 baje tam ei ei hynrei haduh ba ki la ap haduh ka 7:30 mynmiet ruh, u Mukul u khlem treh iakynduh satia haduh ba kin leit phai thylli noh na Secretariat.
“Haba ngi la ap shitom ia u haduh ban da wai ka jingialang kynhun myntri ruh, u khlem khot satia ban iakynduh ia ngi haduh ba ngin hap ban leit phai noh hadien hynriew kynta”, la ong kine ki nongialam ka HANM kynthei.
“Ngi pynrem jur ia kane ka jingleh jongu ia ki sengbhalang bad ka jingkhein dewthala jongu ia ngi bad kane ka la pynduh mynsiem ia ngi banleit iakren ia ki jingeh kum ki nongshong shnong ka jylla, la ong shuh shuh kine ki nongialam ka HANM Kynthei.