Bitar ka Congress, ba pynduh ia ka kynta kylli jingkylli ha Lok Sabbha

Ka dorbar Lok Sabbha, ka la sdang mynta ka sngi.

U Adhir Ranjan Choudhary, nongialam ka seng Congress, ula kren bitar ia ka sorkar jong U Narendra Modi, namar ba ki la pynduh noh ia ka kynta kylli jing kylli ha Lok Sabbha. “Ka por kylli jingkylli, ka dei kaba donkam bha bad kumta ka jing pynduh noh ia katei ka kynta kylli jingkylli, ka long ka bym iahap satia” ong U Choudhary.

Halor katei ka mat U Rajnath Singh, myntri iada ri, u jubab ha iing dorbar Lok Sabbha, da kaba ong “Ki nongialam jong kiba bun ki seng sain pyrthei, ki la mynjur ban sangeh ia ka kynta kylli jingkylli bad nangta ba ka Zero hour, kan long tang 30 minit. Ngi la iathuh ia phi lamphang dorbar, halor katei ka rai, kaba phi la mynjur hi ma phi. Nga kyrpad ia baroh ki dkhot jong ka iing ba kin iatrei lang, namar ba kane ka dei ka por kaba eh shi katdei eh”.