Bible Study Balang U Blei ha Nongstoiñ

Shillong, 1 Nailar:
Ka Jingiaseng Samla Balang U Blei (Meghalaya & Assam) Nongstoiñ District-Shillong Group, ka la wer bad khot sngewbha ia ki para samla jong ka Balang kiba shong basah ha nongbah Shillong sha ka Bible Study ban long ha ka 9 tarik u Nailar 2013.
U Secretary ka JSBUBND-Shillong Group u Bah S Lyngdoh u la pyntip ba ka Bible Study kan long ha Centenary Hall, Quallapatty, Shillong ha ka por 11:00 baje. U Bah Airpeace Rani un long u nongiasam ia ka khubor na ka Ktien jong U Blei ha ka Bible Study.U la kyrpad ia ki samla kiba sah ha Shillong kiba na ka Nongstoiñ District ban iawan khnang khnang ha katei ka sngi kumjuh ban wer bad khot sngewbha ia kiwei ruh ki para samla ban ioh mad ia ki jingkyrkhu.