Bhah kam u CEM ïa ki EM, ka KHDF ha KHADC

Shillong:U CEM ka KHADC u Bah Pynïaid Sing Syiem u la bhah kam ïa ki EM ka kynhun synrop synshar ha KHADC ka KHDF kaba kynthup ïa ki 10 ngut ki EM ba kynthup ruh ïa ki katto katne ki tnat kiba u la bat hi halade.

Ha kane ka bhah kam u CEM u la bat hi halade ïa ka tnat Finance, General Administration, Posting and Transfer, Establishment nalor kiwei pat ki tnat ba khlem bhah sha kiwei ki EM.
Katba u Deputy CEM u Bah P N Syiem u bat ïa ka Elaka, Law bad Legal, ka Kong Grace Mary Kharpuri ka bat ïa ka tnat Market, Council Market bad kiwei ki ïew bad ka Information Technology.

U Bah Victor Ranee u bat ïa ka Arts and Culture, Health and Sanitation, Labour Clearance Certificate bad Fisheries, Bah Gigur Myrthong ka Trade bad Enforcement Wings, U Bah Rangkynsai Kharbuki u bat ïa ka Council Building, Council Assets bad Marriage and Divorce.
Katba ka Kong Macdalyn Sawkmie Mawlong ka bat ïa ka Forest bad Town Committee, U Bah Teibor Pathaw u bat ïa ka Land bad Building Bye Laws, U Bah Alvin Khyriem Sawkmie u bat ïa ka Revenue Collection bad Planning.

Katba u Bah Fantin J Lakadong u bat ïa ka Taxation, Water Resources, Mines and Minerals bad u Bah Carnes Sohshang u bat ïa ka Development bad Education.