NEW DELHI: Ka Kerala, ka ioh ban bat ia ka kyrdan kaba ha jrong duh, ha ka rukom pyniaid kam ia ki kam pynroi, katba ka Bihar, ka ioh ia ka kyrdan kaba sniew tam, katba kum ka jing lap jong ka Niti Aayog, haba lum jingkhein, na bynta u snem 2020-21.
Katei ka jinglum jingkhein jong ka Niti Ayog, ka dei kaba la tip, kum ka Index for Sustainable Development Goals (SDGs), kaba peit bha ia ka rukom trei kam ki jylla bad ki jylla rit, ha ka roi ka par, ha ka ioh ka kot, ka jing sumar mariang bad ki kam imlang sahlang.
Ka Kerala, ka ioh ia ka kyrdan kaba nyngkong eh, da kaba ka ioh 75 marks, nangta ka Himachal Pradesh bad ka Tamil Nadu, ki wan ha kyrdan kaba ar, da kaba ki ioh mar 74 marks.
Ki jylla, kiba sniew tam ka jingtrei kam, kiba hap ha kajuh ka kyrdan, ki long ka Bihar, Jharkhand bad ka Assam bad la pynmih paidbah ia katei ka jingshem jong ka Niti Ayog, da U Rajiv Kumar, Vice Chairman ka Niti Aayog.
Ki jylla kiba wan shakhmat eh, ha ka kyrdan ba san ki kynthup ia ka Kerala, Himachal Pradesh, Tamil Nadu, Andhra Pradesh, Goa, Karnataka, Uttarakhand, Sikkim, Maharashtra.
Ki jylla kiba wan ha ka kyrdan ba san, sha trai duh ha ka jingtrei kam, ki long ka Chattisgarh, Nagaland, Odisha, Arunachal Pradesh, Meghalaya, Rajasthan, Uttar Pradesh, Assam, Jharkhand, Bihar.
Jylla jong ngi jur palat ka bamsap