“Bha ban pynhap shuki ia ka Kong Ampareen”

Shillong 22 K’lyngkot:
Ka BJP Meghalaya kam shym la pynmih sur kaba jur ban dawa hiar shuki ia ka Myntri pule puthi barim kaba bat mynta kum ka myntri tnad pynroi, ka Kong Ampareen Lyngdoh.
Haba kren mynta ka sngi sha ki lad pathai khubor shwa ban leit sha Delhi ban iashim bynta ha ka elekshon jied president ka BJP ha ka 24 tarik mynta u bnai, u president ka BJP u Bah Shibun Lyngdoh, u la ong ba ka party ka kyrpad ia ka sorkar jylla ba kan pynsted ban pyndep ia ki kam bamsap ha ki tnad sorkar kum ka bamsap sia lieh ha ka tnad ka pule puthi, ka bamsam tei iing bun mala, ka bamsap dawai pyut, ka bamsap komputer laptop kiba jur bha ha kane ka jylla.
“Ngi kwah ba ka sorkar jylla kan pynsted ban pyndep ia ka bamsap ha ka tnd pule pule, dawai pyut, tei iing jrong palat pud kiba la paw paidbah”, la ong u President ka BJP.
Na ka liang ka BJP ka la ong ba kan bha lada u Myntri Rangbah un pynhiar shuki noh ia ka Kong Ampareen kaba shah kynnoh donkti ha ki kam bamsap khnang ban ailad ia ka jingtohkit kan iaid shakhmat.
“Kan dei kamram jong ka sorkar ban bthah ia ka myntri ban iehnoh ia ka shuki, ban wanrah ia ka jingsngew shaniah hakhmat jong ki paidbah”, la ong u National Executive Member na kane ka jylla u EK Sangma bad bynrap, “na ka bynta ka jingbha ka Congress, kan bha ba kan bthah ia ka Myntri (Ampareen) ban hiar shuki noh”, la ong u Sangma.