Shillong: U bah Marwein, u ophisar ba dei peit ia ka Milk Processing Centre kaba don ha Mawiong,u la iathuh ba mynta ka jing pynmih dud na katei ka jaka ha Mawiong ka la kiew ha kaba la lah ban pynmih 16 hajar litar shisngi shisngi hadien ba la plie iaka processing unit ba tymmai. Ka jingngiam jong katei ka jaka ba thymmai ka long haduh 40hajar liter shi sien thep.
“Mynta hi kumba ka long ngi la lah ban pynmih kumba 16000 litar shisngi haba khein kyllum naka jingngiam ka unit kaba 40000 litar,”la iathuh u tei u ophisar.
U tei u ophisar ka tnad pynmih dud,u la iathuh mynta ka sngi ha ka jingiakren bad u, bad u la ong kadaw ba ka jingioh ka kot tang kattei,ka dei namar ba ki nongri masi kim wan rah lut sha katei kajaka, namar ki kwah ban die ha ki jaka ba ki don bad ia ka daw ym lah ban tip.
Haba la kwah ban tip ia ka jingdon ki jaka na ki thain aiu ba ki shait wanrah,u la iathuh ba ki jaka ba bun ki dei na ki thain bhoi bad na ki shnong ka East khasi Hills.
Shuh shuh,u la iathuh ba lyngba ka sorkar pdeng,ki nong ri masi ki ioh ia ka jingiarap ha ka dor kaba kot 11 klur, ha kaba iakne ka leit beit beit sha Milk Union ban pyniaid ia ka.
Haba kylli,la ka ophis ka don bynta kumno ia ka ban peit halor katei ka song pisa kaba wan sha ka Milk Union ba la tip da ka East Khasi Milk Union utei u sahep u la ong ba em naka liang ka ophis kan ym don kti eiei kumno ban leh halor katei,namar ka pisa ka poi beit ha kti jong ka union, hynrei ka shong ha ka ban pyntreikam ia ka tei ka song pisa katkum ka jingpruid lain ba ka la phah sha ka sorkar.
Phi don ban ong eiei?