Shillong: Ka Voice of the People Party (VPP) ka la beh seng sa ia u Pastor Shanlang Warjri bad ia u bah Kherup Sing Thabah halor ka jingkynnoh ba kila kren pyrshah ia ka nongrim jong ka party.
Lah ban kdew ba shwa ia kane, ka VPP ka la beh seng ia u bah Avner Medon Pariat suba iakhun ia ka elekshon MLA ba la dep na East Shillong.
Ha ka shithi kaba la phah sha u bah Shanlang bad u bah Kherup, ha ka 20 tarik Iaiong 2024, u Dr. Kara H Shen u Chairman bad u bah Grossper Ryntathiang u Secretary ka ka Disciplinary Committee, kila ong ba ka jingkren jongki, ka long pyrshah ia ka long pyrshah ia ka nongrim jong ka party bad ka party ka la rai ban beh noh na ka party.
Ka jingkren jongki ka la ktah ia ka dur ka dar ka party bad halor kane, ka disciplinary Committee kam don lad shuh hynrei ban shim ia ka rai ban beh seng noh ia u.
U Pastor Shanlang Warjri, u dei uba la iakhun ia ka elekshon MLA na Mairang, ha u snem 2023, na katei ka seng.
Phi don ban ong eiei?