Shillong: Ka HYC Nongthymmai Circle mynta ka sngi lyngba ka Sier Lapalang Operation ka la pynlong ia ka jingleit khynra ia ki bar jylla kiba trei bylla hapoh ka thain Madanriting bad Happy Valley baroh kawei.
Ha kane ka jingkhynra, ka seng ka la ioh ban bat ia palat phew ngut ki bar jylla kiba dei na jylla Assam ki bym shym la don ia ki kot ki sla kiba biang kynthup ia ka EPIC, NRC, Labour licence.
Ka seng ha kane ka jingkhynra ka la phah leit phai iing noh ia baroh kine ki bar jylla sha ka jylla Assam bad ha kajuh ka byrthen ruh ia baroh ki trai iing kiba pyntrei ia kine ki bar jylla ba kim bit ban dang iai wan ialam bad pyntrei bylla da ki bar jylla ha ki jaka jong ki lada kim don ki kot ki sla kiba biang. “Lada dang ka seng ka dang lap kan shim pat da kiwei ki seijam”, la ong ka kyrwoh na u bah Enlang Sawian u President HYC Nongthymmai Circle.
Phi don ban ong eiei?