Beh lyer ka Iew Khristmas, ha Iewduh bad Khyndailad

Shillong,11 Nohprah:
Sa ar taiew tam shuwa ba ka Khristmas kan poi la iohi ba ki paidbah na nongkyndong bad na sor ki la sdang ban tuid sha Iewduh bad Khyn dailad ban thied ia ki jingpynkhreh Khristmas jong ki, watla ka iew ka hat kam pat da thnam bha hynrei la iohi pat ba ka lyer jong ka Iew Khrist mas ka la sdang beh bha. Kumba long mynta ki dukan die jingdie kynthup ia kiba die ia ki tiar pynthaba bad kiwei pat ki tiar pynkhreh Khristmas ki la sdang sei ia ki mar jong ki ban wah pynitynnad ban khring ia u paidbah nongiew. Ki dukan jain ki la sdang ban wah pyni bang ia ki jain tlang ba syaid mob mob ban pyniskuin ia ki samla dait riam kiba leit sha ki iew bad kiba iaid lynti najan ki du kan. Ki juti ba bun rong ki la mih ha ki ma dan ma diah jong ka rud su rok bad katno tam ha ki dukan jong ka Iewduh bad Khyn dailad. Ki dukan die tiar tem ki la sdangh ban khring mian shi mian ia ki riew donsap ha ka tem ka put shynrang bad kynthei, ki isur jingrwai jingrwai ki la sawa jam bad shongshit ir na ki dukan die kaset bad die Woofer ne kiwei pat ki kynja Tape pynsawa.
Kumba ju long manla u snem tang mar ia poi ka tlang bada khamtam shuwa ka Khristmas ka dor ki maar khamtam eh ki riam ki beit ki la sdang ban iapheer bak lybak, mynta u snem ruh haba u nongthohkhubor u la pyrshang ban twad jingmut ia ki dor jong ki riam ki beit naduh ki patlun jeans , ki juti ki jaket ka dor ka la iapher bak ly bak na ka dor ba ju die tang ha kine ki khyndiat bnai ba la dep. Haba pyrshang ban twad jingmut na ki dukan kiba die ia kitei ki mar la ka long tang ka jingshim kabu jong ki ne kumno halor ka jingkiew kynsan ka dor ki jain, uwei u khar muslim uba die patlun u la ong ba ki jain kiba u phah dor mynta ki dei ki jaian kiba dang shu poi thymmai bad ha kum kine kip or ki jain ba dang wan poi thymmai ruh ki rem dor bha. U la pyni da kawei pat ka jain kaba u khlem lah die ha kine ki aiom ba la dep bad u la ong ba lada phi kwah kata ka dor kumba phi thied mynshuwa phi lah ban shim da kine.
Ho,oid ka iew Khristmas ia mynta kam pat da khluit bha hynrei manla u snem hi la iohi ba shi taiew shuwa ban poi ka Khristmas ka iew ka la shongshit hi kir. Ha motphran ka jaka ba pynieng da ki niuh kseh ha kum kine ki por haduh mynta ym pat don eiei bad sa tang shi taiew ki niuh kseh ki la kaweh lyngngai ha katei ka jaka.