Beh krad ki sengbhalang bad byrngem pyniap ia 30ngut ki nong bylla

Shillong: U Bah  Seventhborn Lyttan, ula ujor sha ki pulit, ba ha ka 18tarik mynta u bnai, ha ka por 12.30 nohsngi, ki don shi kynhun ki briew, kiba don kumba 30ngut antad eiei, kiba kam ialade ba ki dei ki nongtrei sengbhalang. Kitei ki la leit sha ka jaka trei kam jongu ha ka jaka trei ia ka kashari ha Amlarem bad kitei ki la byrngem ban pyniap ia ki nongtrei bylla na katei ka jaka bad ki la beh krad ruh ia kitei ki nongtrei kiba dang trei ia katei ka kashari ha Amlarem.