Beh krad ka HYC, bun ki bar Jylla

Shillong, 26 Risaw:
Artaiew lynter ha ka jingiaid lynti ka seng HYC Nongthymmai Circle, hapoh ka jingialam u samla Bryan Mazer Dkhar kum u President, ka seng ka la ioh ban beh krad na kumba 7 jaka ki bar jylla; kata ha ka thain Nongrah bad Rynjah, bun na ki, ki long kiba wan trei bylla bad wan trei ha ki dukan die tin jot, kiba tang ka EPIC card ruh kim don. Ha kane ka jingiaid lynti ka seng, ka da sngewkhia shibun naba ia kine ki bar jylla la wan pynpoi da ki khasi, kiba long ki Kontraktor bad ruh ki trai jong ki dukan die tiar jot.Kawei kaba pynsngewlyngoh ia ka seng ruh ka long ba bun ki nongbylla kiba dei ki khasi ki shait wan ud sha ka seng ba kim ju ioh jingbylla la ar bnai eiei, hynrei ka daw ka long ba ki kontraktor jong ngi ki kham lah ban pyntrei da u poi ei shisngi ban ia u paradoh parasnam lajong.
Ka seng ka buh ruh ia ka jingmaham kaba tyngeh ia baroh ki kontractor bad ruh ia ki trai ki dukan die tiar jot, ba kim dei da lei lei ruh ban pynkha roi ia ki bar jylla ha kane ka bri u Hynniewtrep bad lada ioh jingtip ka seng kan iaid katkum ka ain.