Beh krad ka HYC Bhoirymbong ia ki bar jylla, kiba wan die jain

Nongpoh: Mynhynnin ka sngi ki dkhot ka HYC Bhoirymbong Circle, ki la leit ban pynher krad ia ki katto katne ngut ki bar jylla, kiba la wan tyrwa jain ha ka surok Shillong By-Pass kaba don ha ka thain Bhoirymbong, kiba la wan die jain sha katei ka thain, da kaba pyndonkam da kawei ka Trok, kaba la kit beit shi trok ki jain.

Ha kaba leit ban khynra kot sla ia kitei ki bar jylla, la ialam da u President ka HYC Bhoirymbong Circle, u Samla Tyngshain Makri, lem bad bun ngut ki dkhot ka HYC na katei ka Circle.
Haba pyntip sha ki Nongthohkhubor, kitei ki HYC, ki la iathuh bad ong ba ka daw kaba la pynlong ia ki ban leit khynra ia ki kot ki sla na kitei ki bar jylla, ka dei hadien ba ki la iohi ba kitei ki bar jylla ki shait mlien ban wan tyrwa jain ha manla ki jaka sha shilynter ka surok Shillong By-Pass.
Kumta ha ka jingkhynra kaba hynnin ka sngi, hadien ba ki la lap ba kitei ki bar jylla kim lah ban pyni ia ki kot ki sla, ne wat ban batai ia ka jaka kaba ki sah bad ki wan, ka la pynlong ia ki dkhot ka HYC ba kin beh krad syndon na katei ka jaka.
Na ka liang ka HYC, ka kyntu ia ki paidbah ba kin iasnohktilang bad ka seng da kaba iatreilang, ha kaba ka la kyntu ruh ia ki paidbah ba kim dei ban kmen toh-hoh ban thied na kitei ki bar jylla, kiba mlein bha ban wan tyrwa ia ki mar ki mata, hynrei kane kan ktah pat ia ka ioh ka kot jong ki paidbah ha ka na ki namar ka ktah ia ka ioh ka kot jong ki paidbah kiba sah ha katei ka thain hi baroh kawei.