Shillong 29 Jylliew: Ka seng Hynniewtrep Integrated Territirial Organisation (HITO) Shillong City ha ka janmiet jong ka 29 tarik u Jylliew 2024, ka la ioh bat ia 8 ngut ki bar jylla na jan civil hospital Shilllong, kiba wan na poh ka jylla manipur bad na khappud Assam kiba thmu ban leit byllla sha IT Hostel Mawdiangdiang .
Ka seng haba ka la bat ia kitei ki bar jylla, ka la pan ia ki kot ki sla kiba donkam hynrei ki tei ki bar jylla kim don ia ki kot ki sla ba biang. kumta na liang ka seng mardor ka la phah leit phai biang sha ka ja ka ba ki wan.
Haba ai jingkren na ka liang ka seng ka la ong ba ki tei ki bar jylla ki dei na ka ñiam Muslim, ki ba shu wan na ka jylla Manipur bad ka la ong ba kam tuklar ia ki ba bylla hynrei haba ki wan ban trei ki dei ban pyn biang ki kot ki sla.
Ka la ong ruh lada ka tip ba ki bar jylla ki wan bylla shane khlem ki kot ki sla ka seng kan sa leit kynra namar lada peit hapoh ka jylla ki bun ki briew kim biang ka kam ka jam bad dei ban ailad shwa ia ki ba napoh ka jylla hynrei lada kine ki bar jylla ki wan bylla khlem kot khlem sla ka long kumba ki wan tuh ia ka kam.
Phi don ban ong eiei?