Shillong: Namar ka jingshah weng kam jubor ki samla khasi, kaba khlem kano kano ka daw hapoh ka Company Jio, kumta ki nongialam ka KHNAM State Youth wing, ki la leit iakynduh ia u HR ba dei peit ia ka jingthungkam, ban tip ia ka daw bad ha ba tohkit bniah la lap bad sngewthuh, ba ha man ki Department ki dei ki bar jylla kiba ioh kam lait noh tang ha ka sale Department, ha kaba ki don 80% ki khasi ki lah ban don. Shuh shuh la lap ruh ba na ka liang ka Company kam idon ia kata ka jingai lad nyngkong sha ki khasi bad haba lait kino kino ki kam, kam ju buh ia ka jingpynbna, ban ai ha ki lad pathai khubor khasi, khnang ban tip salonsor.
Kaba kham pyn lyngoh ruh ia ka Seng, ka dei ba kane ka jaka treikam, kam shym la thung wat ia ka Committee ka ban peit kyrpang ia ka jingshngain jongki kynthei kaba la tip kum kum Harassment of women At work place Atc 2010 jong ka sorkar India.
Kum ban shu pynkynmaw ba ha u snem 2016 ha ka jingialam jong u Bah Thomas Passah, U President ba rim ka State Youth Wing, la dep lap bun kum kine bad la thoh ruh halor ka kane sha ka DC, hynrei kat mynta ruh ka dang long kumjuh hi.
Haba pynpaw na ka liang U Converner, ka State Youth Wing, u Bah Eric Swer u la ong “Ngi ladep shong meeting bad u Advisor jong ngi Bah Thomas Passah, uba dei ruh u Working President ka seng Kmie mynta bad ngi la rai ban leit sha baroh ki jaka trei kum kine ban pynthikna ia kine ki mat harum” bad kitei ki kynthup ban ioh kam ki samla Khasi, ban pynthikna ba ki kam ki ba lait hap ban pyntip ha ki kotkhubor Khasi, ban pynthikna ba 80 percent ki kam kin dei jong ki Khasi beit, ban pynthikna ba ki khasi kiba trei ha kine ki jaka kim shah pynthuh da kaba shah transfer sha ki jaka ba kyndong bad ha Shillong pat yn wanrah da kiba nabar jong ka jylla, ban pynthikna ba ka Harrastment of Women at workplace act 2010 kan treikam na ka bynta ka shngaiñ ki kynthei, ban pynthikna ba kine ki ophis, kin hap ban siew ia ka proffessional tax katkum ka ain.
Beh noh ia ki bar jylla kumno ki ioh ban trei ha la ka Jong ka jylla balei ngim don briew seh ngi ki khasi bun bapli ba hap shong ing kata ruh dang ai kam ia u bar jylla ka khlem raiñ ha ja jing shisha tag 1percent ia ki bar jylla la da dei ha ka ei ka ei ka kam