Beh ka HYC 10 ngut ki bar jylla

Shillong,20 Rymphang:
Ka Hynñiewtrep Youths’ Council (HYC) Dangar-Balat Border Circle ka la lap haduh 10 ngut ki bar jylla kiba wan trei surok harum Rangweng, ki bym biang ki kot ki sla kum ki labour laisen na ka KHADC ne kiwei pat ki kot ki sla na ka sorkar jylla bad ka la beh noh ia ki.
Ka seng hapoh ka jingialam u Bah S Khar lyngdoh, Vice-President ha ka jingleit peit ia ki kot ki sla ha ka 17 tarik mynta u bnai ka la lap tang ia ki EPIC kiba pyni ba ki dei na Assam hynrei ki kot ki sla haba rung hapoh ka jylla kim don ei ei. Ka HYC ka la ban jur ia ki kontraktor ba kim dei ban wanrah ia ki bar jylla ki bym kot biang sla.