Nongpoh: Myn sngi Saitjain, ki dkhot ka FKJGP, Mawhati Circle, ki HYC ka Mawhati lem bad ki nongialam ka Synjuk Rangbah, ki la leit ban pynher krad ia ki bar jylla, kiba la wan ialam da ki briew ka Dhar Construction, kiba la wan ialam sha katei ka thain ban phah trei ia ka surok na Kdohhati sha Mawrathud.
Ki nongialam ka FKJGP, ia kaba la ialam da u Samla Shanlang Diengdoh, President ka FKJGP, Mawhati Circle, nangta u Bah Shanbok Marsynting, nongialam ka HYC, u Bah K. Kharlukhi, Finance Secretary ka Synjuk ki Rangbah shnong ka thain Mawhati, lem bad kiwei, ki la leit ban beh krad ia kitei ki bar jylla, namar ba ki la wan trei sha katei ka jaka, khlem da don ia ki kot ki sla kiba biang.
Halor katei ka jingpynher krad ia kitei ki nongtrei bar jylla ka Dhar Construction, u Samla Shanlang Diengdoh, u la ong ba ha kaba nyngkong ki la ioh jingtip ba ki briew ka Dhar Construction, ki la wanrah da kitei ki nongtrei bar jylla ha katei ka thain, na ka liang jong kitei ki nongialam seng bad nyngkong kim pat pan ia ki kot ki sla, hynrei ki la leit ban ong ba ki dei ban pynphai biang ia kitei ki bar jylla sha ka jaka kaba ki wan, namar hapoh jong katei ka thain ki don bun ki samla Khasi kiba lah ban trei ia ka kam kaba yn sap hah trei ha kitei ki bar jylla.
Haba ngi la leit ban phah pynphai ia kitei ki bar jylla, ki briew kiba la wan ialam ia ki, ki la mynjur ban pynphai biang, hynrei tang katto katne por, kim shem la phah ia ki sha ka jaka kaba ki wan, pynban ki la thmu ban leit phah rieh ha kaei ka jaka, ong u Samla Shanlang Diengdoh.
Kumta haba ngi la ioh jingtip halor katei ka
Phi don ban ong eiei?