Bate kam thymmai ia shibun ki heh pulit ka jylla

Shillong: Ha ka jing bate kam thymmai ha ka tnat pulit jong ka jylla ha shwa jong ka elekshon, ka sorkar jylla ka bate kam thymmai ia palat 10 ngut ki IAS bad 10 ngut ki pulit MPS ophisar.

U ophisar IPS, Dr Raghavendra kumar MG, u la shah thung kum u SP jong ka East khasi hills District,ha ka jaka jong u Sylvester Nongtnger u ba la shah thung noh kum u SP jong ka FE&S Shillong, katkum ka jing pyllait jingtip na ka ophis treikam jong u Secretary incharge Home(Police),u bah C.V Diengdoh.

U SP jong ka West khasi hills District, u Herbert G Lyngdoh, u la shah thung noh kum u SP jong ka anti-infiltration Directorate bad U SP jong ka Shillong (City) u la shah thung noh kum u Assistant Inspector General (L&O).

U CSO jong ka MePDCL,u Nangkiew k Syiem,u la shah thung noh kum u Assistant Inspector General of police(R) bad U Darwin M Sangma,la thung kum u SP ba thymmai jong ka West khasi hills District.

U SP jong ka F&ES,u Spill Thamar u la shah thung kum u CSO jong ka MePDCL, katba u SP jong ka Anti-infiltration u Ringrang TG Momin,u la shah thung kum u SP ba thymmai jong ka Shillong (city).

U Pherbak Singh Marweiñ,u ba dei u Assistant Commandant 1Battalion ,Mawiong u la shah thung noh kum u SDPO jong ka Mawshynrut ,West khasi hills District.

U Pynhun Lang Manik Syiem,u ba ba dei u Deputy Superintendent of police (Security wings) SB Shillong u la shah thung kum u SDPO ba thymmai jong ka Sohra East khasi hills District.