Batbor u khynnah 13 snem ia ki khynnah 8,7 snem

Jowai, 2 Naiwieng:
Uwei u khynnah ba dang 13 snem ka rta uba shong basah ha Mookyrdup Jowai, u la batbor ia kawei ka khynnah 8 snem, katba ha kawei pat ka jingjia, kawei pat ka khynnah 7 snem ka la lait thaw na une u juh u khynnah runar.
Katkum ka jingjur kawei ka longkmie kaba sah ha Iawthymme, Ladthadlaboh, Jowai ka la iathuh ba hynnin ka sngi katba ka khun ba dang phra snem jong ka ka dang wan na skul ha ka por 1:00 pm eiei haba ka la poi ha iewthymmai, utei u khynnah shynrang u la patan ia ka shapoh kawei ka trep iew bad leh-beijot ia ka.
Kawei pat ka longkmie ka la wan ban ujor sha ki pulit halor ka jingdonkti jong utei u juh u khynnah runar ban rahbor bad thmu ban leh be-ijot ia ka, hynrei kumno re ka la lait thaw na kti jong utei u khynnah runar ba dang 13 snem.
Na ka daw ba uba dei dang khynnah ka rta, la aiti ia u sha ka Childline Jowai ha ka por 8 baje hynnin ka miet hynrei mynta ka step dangstep ha ka por 6 baje eiei u la lait phet na kti jong ka Childline, Jowai.