Bat ki sengbhalang, ia 40ngut ki bar jylla, ba leit trei coke sha Mynska

Shillong:Mynhynnin ka miet kumba 11:30 pm, la ioh kem ia kawei ka bus kaba don ia u number ML10 C 0206, kaba kit kumba 40 ngut ei ei ki dkhar ki ba khlem da biang ki kot ki sla na ka Labour Department, ha ka jingiadei bad ka jingthmu jongki ban wan trei sha ka coke factory kaba don ha Mynska Shangpung West Jaintia Hills District.

Ka jingwan rung jong kine ki dkhar ka long kaba ym shongnia khamtam ha kum kane ka por Covid19 namar ki khlem leh ia kata ka Test kaba ka sorkar ba dei peit ia ka koit ka khiah ka la bthah.

Ki sengbhalang kynthup, ka MPUF, HNPF, ryngkat bad ka JSU-Laskein Block circle,JSU -Shangpung unit,KSU-Shangpung unit, ki la leh ia kaba donkam da kaba pynphai biang ia kine ki khar poi ei sha ka shnong jongki. Ka seng ka pan jingshai na kiba dei khmih ha poh ka entry point ba ha kano ka rukom kine ki mynder ri ki ioh rung khlem da shah test khlam covid19 bad khlem da biang ki kot ki sla.