Bat ki pulit saw tylli ki trok kit dewiong beain ha North Garo Hills, shah kem 4

Shillong:Ha ka 20tarik Lber 2019, ki pulit ki la ioh bat ia saw tylli ki trok kit dewiong kiba don ia ki number AS-01J-0964, ML-07B-1226, AS-25BC-0921, AS-01D-8069 bad kawei ka Bolero Camper (AS-18C-8662), kaba synran ia kitei ki trok ha Me’millam area (North Garo Hills). Ki pulit ki la ioh kem ia saw ngut ki briew bad kitei ki kynthup ia U Sanjay Sangma, uba dei u trai dewiong, U Kesual D Sangma, uba dei hi u trai dewiong, nangta U Rokunath Boro (40) bad U Arpul Sobha, katba u nongniah jong katei ka trok ML-07B-1226, ula lait phet noh.
La kurup da ki pulit ia kitei ki trok lem bad kitei ki nongkhaii beain, namar ba ki la pynkhein ia ki kyndon jong ka Supreme Court bad ka NGT, kaba la khang pyrshah ban dang kit dewiong lane ban shalan bad die ha kine ki sngi, haduh ban da pynbeit da ka Kashari.