Shillong,5 Rymphang:
Ki pulit ka Sohra Police Station mynta ka sngi ha ka por 4 baje janmiet ki la ioh ia ka jingujor na u bah Aron singh Lyndem uba na ka shnong Khliehshnong, Sohra ba ha ka 3 tarik mynta u bnai ka khun jong u ka Phindakerlang Tariang, 6 snem karta ka la shah batbor ha uwei u khynnah uba dang 13 snem karta, u bah Lyndem u la ujor ba u Shan Singh Hynniewta u khynnah ba napoh khliehshnong,Sohra u la leh ia katei ka kam ha ka por 10 baje mynstep.
U la ujor ruh sha ki pulit ba u Shan u la batbor ia ka khun jong u ha kawei na ki jaka ba la tip kum ka Shyniarbah,kaba don ha Khliehshnong, Sohra.
Ki pulit ki rejistar case ia katei ka jingjia bad baroh ar ngut kitei ki khynnah kaba la shah batbor bad u nongbat bor la phah sha CHC,Sohra na ka bynta ban phah eksamin ha ki doktor. Ka jingtohkit ia katei ka jingjia ka dang iaid shakhmat.
Phi don ban ong eiei?