Bang ki phareng ia u slasha ba mih na ri Khasi

Shillong, 15 Nailur:
U slasha ba mih na ri Khasi uba kyrteng u ‘Meg Tea’ u la khring ia ki phareng ka ri Europe.
Ia une u slasha ba mih na kane ka jylla, la pyni paidbah ha ka Fresh Montgomery, Speciality& Fine Food ba long ha U.K naduh ka 8 tarik haduh 10 tarik Nailur.
U heh ka tnad Horticulture u la iathuh ba ki nongthied na ri UK ki la wanrah ia une slasha ban leit pyni ha katei ka iew.
“La ioh ia ka khubor ba la don ki nongthied kiba bun bha kiba kwah ia u slasha Khasi khamtam u ‘slasha urlong”, la ong u heh ka tnad horticulture.
Ia ka jingbha une u slasha la pdiang ruh da ki nongrep slasha na Darjeeling.
“Ia mynta, une u slasha Meg Tea ym pat ioh kynrei bha ha kane ka nongbah Shillong hynrei tang ha ki katto katne ki dukan bad la pyrshang ban pynphriang ia une u slasha ha kylleng ki jaka” la ong u heh sorkar.
Don lai tylli u jait slasha ba kyrteng “Lakyrsiew Tea” ba rep ha Mawiong, “Urlong Tea ” na Mawlyngot bad u “Meg Tea” na Umsning bad Upper Shillong, ki la ioh ia ka nam kiba bang bha hapoh bad shabar ka jylla bad shabar ri.