Ban tih mar poh khyndew, dei ban mynjur ka tnat mariang

Shillong,4 Nailar:
“Halor ka hukum ka Supreme Court ia ka jingtih mar poh khyndew bad ka jingpynthymmai ia ka jaka kaba 5 hectare eiei, ba dei ban ioh jingbit na ka tnad kam pynneh mariang jong ka sorkar India, kumta na ka liang jong u Ma HH Mohrmen u la phah ia ka shithi jong u sha u Chief Secretary ka sorkar Meghalaya Shillong , u Chief Executive Member JHADC, Jowai U Chief Executive Member KHADC, Shil long bad u Chief Executive Member GHADC, Tura.
Katkum katei ka hukum baroh ki jingtih marpoh khyndew ha ka jylla nai ia kren ia ki jingheh bad ki bym ioh ia ka jingbit na ka MoEF kin long kiba be-ain. U la thoh ruh ba ka tnad sorkar bad ki lai bor synshar jong ka District council ki dei ban shimkhia ia katei ka hukum ka Supreme Court. Da ka jingsngewkhia u Ma Mohrmen u la phah ia katei ka shithi sha kitei ki bor bahalor ban leh ia kaba donkam hapoh ka 3 bnai.