Ban seng kam hapoh T.1klur, hap ioh jingbit tang na ki DC, ong u MR

Shillong:Ka jingialang ka kynhun myntri ka sorkar jylla mynhynin ka sngi, ka la rai ban pyndam noh ia ka Single Window Agency ban ai jingbit ban seng karkhana.
Ha jaka ka Single Window Agency la thaw da ka Investment Megha laya Authority (IMA).
Kane ka long katkum ka polisi ka Meghalaya Investment Promotion and Facilitation Bill 2024 ban wanrah ha ka dorbar mang tyngka mynta u snem.

U myntri rangbah ka jylla u Conrad K Sang ma ula ong ba katkum kane ka polisi thymmai, kano kano ka jingseng kam kaba hapoh 1 klur tyngka yn rai ha ka bor ki Deputy Commissioner, katba ia kano kano ka kam kaba 10 klur tyngka shapoh yn rai ka Committee ba khlieh u Chief Secretary bad palat ia ka 10 klur tyngka shaneng yn rai da ka Committee kaba khlieh u Myntri Rangbah.

Kiwei pat ki rai ka kynhun myntri ki long ka jingpynkylla ia ka Capt. Williamson Sangma State University Act 2011, nangta ka Contingency Fund Bill.
Ka la mynjur ruh ia ka jingpynkylla ia ki rules ban pynheh ia ka jingsiew ia ki nongtrei ha ki nongbishar ba la shongthait katkum ka Retired Judges Secretarial Assistance and Domestic Help Rules, 2013 kaba la pynkylla teng ha u snem 2016 bad kawei pat ka long ban pynkiew ia ka jingioh jong ki nongbishar kaba ryngkat ha ka ri katkum ka Second National Judicial Pay Commission (SNJPC) kumba la bthah ka Supreme Court.