Shillong:U myntri rangbah ka jylla u Conrad K.Sangma u la iathuh ba na ka liang jong ka sorkar jylla ka la thoh da ka shithi sha ka tnat iada ri, jong ka sorkar India ban pan jingiarap na ki Shipai um (Navy) jong ka ri ban sei ia ki briew kiba sahkut ha ka krem dewiong ha Umpleng, East Jaintia Hills.
Kum ban shu pynkynmaw ba kumba 5 ngut ki nongtrei tih dewiong ki la jah rngai ha ka pardewiong ka ba don ha Umpleng, Sutnga East Khasi Hills District naduh ka 5 tarik mynta u bnai bad haduh kane ka kynti ym pat lah satia ban sei ia kine ki briew.
Na ka liang u myntri rangbah ka jylla u la ong ruh ba ka dei ka kamram jong ka sorkar jylla ban wad ia ki lad ki lynti ban iarap ia kine ki briew kiba ngat ha kane ka lanot.
“Ban sei ia kine ki briew na kane ka par dewiong ha Umpleng,na ka liang ka sorkar jylla ka la dep pan jingiarap na ka Defence Ministry ban phah iarap ia ki Navy”u la ong.
Phi don ban ong eiei?