Ban pynshoh biej ia la ki jong ki samla, ki don la ki jong ki jong ki jingmut bad na ka bynta uwei u samla, u don da kawei ka jingmut ban pynshoh biej ia ka samla jongu lane ha kawei ka kyntien, kaba u ong “will you marry me?” bad katei ka long, da kaba thoh da u tattoo ha ka shadem jongu.
La iathuh ba utei u samla, uba na Gloucester, ha United Kingdom, ula phah wan ia ka samla jongu, ha kawei ka jaka dro tattoo, te hynrei, namar ba um thikna, ia ka jubab jongka, ula buh lypa ruh ar tylli ki jaka ban tip bad kawei ka long “Yes” bad kawei pat ka long “No”, khnang ba kan sngew laitluid ban jubab ia kaba ka sngew iahap.
La iathuh ba ha katei kajuh ka jaka, un sa dro sa ka dur jong u dohnud, hadien ba katei ka samla jongu, ka la mynjur ia ka jingtyrwa jingieid jongu.
La iathuh ba mar ia poi ha katei ka jaka dro tattoo, katei ka samla, ka la lyngngoh shi katdei, haba ka la lap, ia katei ka jingthoh, kaba ula thoh ha ka shadem jongu, ha kaba ula thoh “will you marry me” bad da ka jingsngew kyndit bad sngew ieid ia ka jingleh jongu, ka la mynjur ban tik, ha ka kyntien, kaba thoh “yes” lane “hooid”.
Phi don ban ong eiei?