“Ban pynduh ia ka synshar shi iing, yn nym shong kurim U Rahul”

Mumbai, 7 Nailar:
U General Secre tery ka AICC, U Shyoraj Jivan Valmiki, ula pynmih ia ka jingkren mynta ka sngi, kaba pynlyngngoh, haba u ong ba U Rahul Gandhi, ula rai ban nym shong kurim satia, namar ba um kwah ba kan don ka jingsynshar jong kawei ka longing, ha kaba kham hadien, ula weng noh ia katei ka jingkren bad pan map. Haba kren ha ki nongthoh khubor mynta ka sngi, U Valmiki, ula ong ba U Rahul, ula smai, ba un nym shong kurim satia bad ka daw, ka long ban pynduh noh ia ka jingsynshar jong kawei ka long iing. Ynda haba ki nongthoh khubor, ki la ong ba un pynshai kham bha, ia katei ka jingkren jongu, ula kyntait, hynrei, ula pan map pynban ia katei ka jingbakla jongu.
“Nga la sngewthuh, haba U Rahul, u ong ba un nym shong kurim satia, ban pynduh noh ia kane ka jingsynshar jong kawei ka longing” ong U Valmiki. Kham hadien pat, ula ong “Nga lah ban bakla bad kumta nga pan map”.