“Ban pyndam District Council” pan jubab ka Kashari na u AG ka India

Shillong, 06 Risaw:
Ka Meghalaya High Court ka la pan ia ka jingsngew jong u Attorney General (AG) ka India halor ka mukotduma PIL ba la ujor da u nongialam ka Maitshaph rang Movement u Bah Mchael N Syiem.
Katkum ka khubor ba la iohlum, la iathuh ba ha ka jingbishar mynta ka sngi, ka Kashari ka la sngew donkam ban pan shwa ia ka jubab na u Attorney General ka sorkar pdeng namar ba kane ka kam ka iadei bad ka riti synshar ka ri.
U Bah Syiem u la ujor da ka PIL halor ka district council ha kane ka jylla ki dang iahap ne em ban don hadien ba la ioh ia la kajong ka jylla.
Ka PIL jong u Bah Syiem ka donkam ia ka sorkar jylla, ka sorkar pdeng bad ka district council ba kin ai ia ka jubab namar ba ka mukotduma ka ktah ia ki kyndon ka riti synshar ka ri.
“La kumno kumno la khmih kynti ba hapoh ar taiew ba u Attorney Genral ka India un ai ia ka jubab bad hadien kane, ka Kashari kan sa shong ban pynlong ia ka jingsngap”, la ong ka thymmei khubor.