Shillong:Ka kong Ampareen kaba dei ruh ka myntri peit ia ka koit ka khiah mynhynnin ka sngi, ka 23 tarik u Lber 2023 ka la wan peit ia ka longkmie ba thiah pang ha Ganesh Das Hospital bad ban wad jingtip halor ka khubor ba mih ba i khyllung ba la iap hapoh ka kpoh ka dei ka jingsuki treikam ki nongsumar ha kane ka Hospital.
Ha ka jingiakren bad ki nongthoh khubor, hadien ba ka la dep ban leit kynduh ia katei ka longkmie ka la ong ba kane ka longkmie ka lah tip lypa ba i khyllung ba don hapoh kpoh i lah ïap lypa naduh ba ka leit shim dawai Private hadien kane ki sa rah noh sha Ganesh Das Hospital Shillong.
Shuh shuh ka la ong ba ka jingmih ha ki kot khubor ba suki ki nongsumar jong kane ka Hospital ba sa iap noh i khyllung hapoh ka kpoh ka dei kaba bakla, la ong ka kong Ampareen.
“Kum ka longkmie ba dei peit ia ka koit ka khiah ngan trei shitom ban kit khlieh lem na ka bynta ki para longkmie kiba dang kha dang pun ia ki khun ki kti jong ki, ba ngin ai ia ka jingsumar ka jingpeit kaba biang bad ba bit tam” ka la ong.
Ka ta te shong ka mon u Blei kieñ, kynnoh pynban ba Suki trei ki doctor
jait ka bym dei ka daktor, te ka kren ruh kum ka bym dei daktor hi mo
ka jingtrei kam Kane ka Hospital ka la long shisha kaba ka Suki palat….ka jingkren ka Ampareen ka shu tep eit miaw…