Shillong:U Symbud myntri rangbah jong ka jylla Meghalaya,u bah Prestone Tynsong, u la ong ba ka jingdawa jong ka kynhun Harijan Panchayat Commitee (HPC) ka long ka bym iahap bad ym lah satia ban pdiang.
Haba iathuh ia kane, u bah Prestone Tynsong, u la ong ba katkum ka jingdawa jong ki Harijan ka sorkar kan ym lah ban leh eiei ne ban pynhun namar ka jingdawa ka jong ki ka long haduh 200 square metre ka jaka ia kawei pa kawei ka longïing bad ka jingdawa ba ar ka jong ki, ka long 20 lak tyngka ka pisa, ha kaba na ka liang jong ka sorkar kumno kan pynshong nongrim ia kata.
U la ong ruh “Naduh ka jingiashong jingialang kaba nyngkong ngi la kren shai ba ngin don ka jingtyrwa blueprint, kaba lah ban pdiang da ki artylli ki kynhun, namar kumba long mynta kam long kaba suk ban ioh ia ka jaka”.
U la iathuh ruh “Na ka liang jong ka sorkar ki la dep ban phah ia ka blueprint, ha kaba la tyrwa ruh ia ka jaka kaba biang bha kaba hap ruh ha European ward, hynrei haba la ioh pdiang pat ia ka shithi ka jong ki ngam dom eiei ban kren”.
Na ka liang jong ka sorkar kin phah noh ia ka affidavit sha ka High court ba don burom haba iadei bad kane.
U bah Prestone Tynsong, u la ong ruh ba lada peit ia ka jingkren jong kitei ki briew (harijan) ki kam ba ki lah don hangne la palat 160 snem “Hato phi lah ban ngeit,hato phi sngew iahap ba ki lah don hangne 160 snem?”
U symbud myntri rangbah jong ka jylla, u la ong ruh ba um da kwah than ban kren eiei, hynrei lada ki kwah ban iakhun ai kin iakhun.
Haba iadei pat ba ka bynta ba ka sorkar kan leh eiei haba iadei bad katei ka bynta u bah Prestone Tynsong, u ba long ruh kum u chairman jong ka High level committee (HLC), u la iathuh ba u dang shu ioh pdiang ia ka shithi mynhynnin ka sngi bad ki hap ban ia shong jingialang shwa ban shim rai, namar ba ka jubab jong ki ka long ba kim la ban pdiang ia ka jingtyrwa jong ka sorkar bad imat kim kwah ruh ban don ka jing iakren sani ban tip u ei uta u plus bad u minus.
Nalor ba ka Kam ji ki la ioh sa ki quater katta sa ka pan main ki dei kiei….balei ki briew jong ngi Kim lah no ban trei haka jaka jong ki nalor ba ki la knieh ja kpoh jong ngi sa ka pan heh beh noh iaki lait kaei ² baroh ai ia ngi ki para doh para snam ngim donkam jaka,ne Pisa tang ka Kam la biang lada ioh bad ki quaters lei te…beh noh iaki.