Ban khanglad ia ka Assam, yn rah da ka wait, ong ka RBYDSO Na kaba den ia ka wah Umiam

Shillong, 22 Naiwieng:
Ka seng RBYDSO ka la byrthen ba ki kloi ban rah da ka wait ka stieh ban iada na ka bynta ka jaidbynriew lada ka sorkar Assam kan den dam ia ka wah umiam, la ong u Bah Samuel Shadap.
U Cultural and Arts secrtary ka seng u Bah Samuel Shadap u la ong ba na ka liang ka seng ki la pyrshah jur halor ka jingthmu jong ka sorkar Assam ban den dam ia ka wah Umiam.
Ha kajuh kapor ka seng ka la kyntu ia ka sorkar Meghalaya ba kan shim khia halor katei ka kam, bad na ka liang jong ka seng ruh kin trei shitom na ka bynta ka hok ki nongshong shnong ki ba don ha katei ka thain Lamalong, Jair, Sonidan ,Tyrso, Umthngam bad Mawrathud.
Lah ban kdew ki paidbah mynnin na katei ka thain hapoh ka lama jong ka Assam Meghalaya Killing Hydro Electrical Project, Protest Joint Action Committee ki la pan ia ka jingkyrpad ba ka District Council ba kan tuklar ba ka sorkar Assam kadei ban pynsangeh ia katei ka jingthmu.
Ka sorkar Assam ka la thmu ban ai ha ka NEEPCO ban iaid shakhmat ia ka Killing Hydro Electrical Project ba 240Mega Watt ha khappud Assam-Meghalaya.