Jowai: Ka Jaiñtia Football Academy (JFA) kan pynlong ïa ka jingpyrshang bad jied khynnah ïalehkai football haka kyrdan Under-10 Under 12 bad Under-14 na ka bynta ki kynthei ban shynrang ha madan Jrisalein, Chutwakhu, Jowai.
Kane ka jingjied nongialehkai kan long haka 17 bad 18 tarik une u bnai Nohprah ha katei ka madan naduh ka por 9 baje mynstep. Kumta kino kino ki khynnah kiba kwah ban ïashimbynta kin sngewbha ban pynbiang ïaki Birth Certificate bad ban rah ïala ki jong ki tiar ïalehkai ha kane ka sngi.
Katkum ka jingpyllait khubor u General Secretary ka Jaiñtia Football Academy, u Ryum Khonglah ula ong ki khynnah kiba shah jied kin ïoh iaka jinghikai kaba la pynbeit da ka Academy ban tbit ïaka sap ïalehkai jong ki khynnah.