Ban ioh laisen suloi, phi donkam ban ai sngewbha da ki blanket shiphew tylli ia ki masi bad katei ka long ka kyndon na U District Collector jong ka Gwalior ha Madhya Pradesh.
Hynnin ka sngi, U Anuraq Chaudhury, ula leit sha ka jingialang jong ki nong sumar masi lane ki “gausevaks” bad hangtei la iakren, na ka bynta ban sumar ia ki masi bad ha katei ka jingialang, U Anuraq, ula iathuh ba ula buh kyndon ia kito kiba kwah laisen, ba kin ai sngewbha shiphew tylli ki blanket sha ki jaka ri masi bad kitei ki long ban tap ia ki masi ba kin syaid.
U Choudhury, u thoh ha ka twitter jongu hadien kata “Lada phi kwah laisen, wan rah bad shiphew tylli ki blanket ban leit ai sha ki jaka ri masi. U Choudhary, ula leit peit ia ki jaka ri masi ha Laltipara bad kumjuh ha Mark Hospital.”
Kane kam dei ka sien nyngkong ia U Anuraq, kham mynshwa, ula bthah ia kiba kwah laisen, ba kin thung dieng shiphew tynrai bad hadien kata, kin sa ioh laisen suloi.
Phi don ban ong eiei?