![](https://www.urupang.com/wp-content/uploads/2023/09/DSC00678-17.jpg)
Nongpoh:Ka kynhun Young Minds, kaba dei ka kynhun ki samla kaba ju shimkhia, ha ka ban iarap sha ki longing ba duk ba rangli bad kiba shem pap, mynta ki la wanrah da ka 1st Star Expo, ne ka Iew iadie iathied ia ki mar ki mata kiba wanrah na kylleng ki jaka bad kumjuh ruh nabar ri, ia kaba ki la buh ha Bhoirymbong.
Ia katei ka 1st Star Expo jong ka Young Minds, la plie paidbah hynnin ka janmiet da u Bah Taiwel Rympei, Rangbah Shnong Bhoirymbong Lumdaitkhla ha ryngkat ka jingdon u Isynei Hinge, President ka Young Minds lem bad shibun kiwei pat.
Katei ka Iew dielang kan neh kumba 20 sngi ha Bhoirymbong, ha kaba lyngba jong katei ka Iew ki paidbah ki lah ban ioh ia ki tiar ki tar kiba bunjait bad kiba kynthup ia ki tiar iing tiar sem.
Haba kren ha katei ka sngi naka liang u Samla Isynei Hinge, u la ong ba ka jingthmu jong ka kynhun ban wanrah ia katei ka Iew ka dei ka jingangnud ban iarap ia kito ki longing kiba donkam shisha ka jingiarap bad ia ka pisa kaba lah ban pynmih na katei ka Iew, kin sa leit ban aijingiarap sha kito ki longiing kiba donkam shisha ia ka jingiarap.
Phi don ban ong eiei?