Ban iada ia ka jaitbynriew, ka mat ba kongsan ka KHNAM, ong u Bah Adelbert

Shillong, 10 Rymphang:
U Working President ka KHNAM uba dei ruh u MDC na Jaiaw u Bah Adelbert Nongrum u la ong ba ban iada ia ka jinglong kyrpang ka jait bynriew, dei ka mat ba kongsan eh ka KHNAM ha kane ka elekshon MDC. “Ngin leit tynruh sha ka sorkar ba kan pyntreikam ia ka Inner Line Permit (ILP) lada ngin ioh ban shong ha ka bor”, la ong u Bah Nong rum haba kren hynne ka sngi Nyngkong haba la dep thep kyrteng.
“ngi tip ba ngim don bor ban tuklar ia ka ILP hynrei ngin leit ban tynruh sha ka sorkar jylla halor kane”, la ong u Bah Nongrum.
Une u nongialam ka KHNAM u la ong ba ka jingpynkhlain ia ka riti dustur jong ka jaid bynriew ki dei sa kawei pat ka mat ba ka KHNAM kan ieng ban iakhun.
Halor ka jingiakhun elekshon MDC ki MLA, u Bah Nongrum u la ong ba kito kiba iakhun elekshon ki kwah tang ban ioh ia ki vote namar ba kim sngew skhem ha ka sain pyrthei jongki.
“Lada ki lah ban shakri ia ki paidbah kan long kaba bha eh”, la ong u Bah Nongrum.