Bam smai u Maheshwari kum U CJ ka High Court

Shillong, 24 Rymphang:   U  Justice Dinesh Maheshwari u la bam smai mynta ka sngi kum u Chief Justice ka Meghalaya High Court ha ka jingialang ha Raj Bhavan.
Ia u Maheshwari la pynbam smai da u Lat ka jylla u V. Shanmuganathan  ha ka jingdon lang u Myntri Rangbah Dr. Mukul Sangma, Bah D.D. Lapang, Deputy Chief Minister Bah Rowell Lyngdoh bad u Bah Dr. R.C. Laloo, u Lamphang ka Iing dorbar u A T. Mondal, u Justice S.R.Sen, u Judge ka High Court ka Meghalaya, bad kiwei.
U Justice Dinesh Maheshwari u dei na jylla Rajasthan bad la kiew sha ka kyrdan Judge ka Rajasthan High Court  ha ka 2 tarik Nailur, 2004.  Shwa ia kane, u la long u Judge ha Lucknow Bench ka High Court jong ka Judicature ha Allahabad.  Ia kane la iathuh da u Registrar General ka High Court ka Meghalaya.