Bam smai U Conrad kum U MP

Shillong 18 Naitung:
U MP ka Lok Sabha na Tura ba dang shu jop thymmai u Conrad Kongkal Sangma  uba shah jied na ka National People’s Party (NPP) u la shah pynbam smai mynta ka sngi kum u dkhot ka Lok Sabha ha Parliament.
Ia u Conrad bad kiwei ki MP ba la shah jied, la pynbam smai da ka Lamphang ka iing dorbar ka Parliament ka Sumitra Mahajan hynne kaba dei ka sngi shong dorbar lyiur ba nyngkong ka Parliament.
U Conrad u la shah jied kum u MP na Tura hadien ba u kpa jongu, u PA Sangma u la khlad noh ha u bnai Lber mynta u snem.
Ia u Conrad la synran lang ka kmie jongu ka Soradini K Sangma, ka long jongu, ka Dr. Mehtab A Sangma,  ka para jongu, ka Agatha K Sangma bad u hymmen jongu, u James K Sangma u MLA.