Bam shngiam ka ding ia ka bos ha Ratacherra, pur ka ding sha ka trok bad ka iing briew

Shillong: Ki lad khubor, ki iathuh ba kawei ka bos night super, ka la kem ding hynnin ka miet ha Ratacherra, kaba don ha East Jaintia Hills District. Ka jingkem ding, ka long kaba la jubor haduh katta katta, ha kaba ka bos, ka la ing khong khait ha katei ka jingbam shngiam ka ding.

Katei ka kali, ka dei kaba don ia u number AS 24 C 2977 kaba wan na Silchar ka la kem ding pur sha kawei ka trok kit dewiong kaba ieng hangtei hajan bad ha ïing briew ruh.

La iathuh ba ka jingjia ka dei ha ka por 8.30, 9.00 baje hynnin ka miet.

Donbok ba ym don mano mano ba iap ne mynsaw na katei ka jingjia.