Bam shngiam ka ding, ia 11ngut ki nongbylla kiba na Bihar

Hyderabad: 11ngut ki nongbylla kiba na Bihar, kiba trei ha kawei ka karkhana die tiar jot ha Bhoiguda ha Secunderabad, ki la shah thang ingkhong ha ka ding kaba klang ha kawei ka kudam, mynta dang step phyrngab.

U DCP (Central Zone), U M Rajesh Chandra, u iathuh, ba la lap ia 11 tylli ki met iap, kiba la ingkhong ha katei ka jaka die tiar jot.

Kitei ki nongbylla, ki don ha katei ka karkhana, ha kaba ka jaka buh tiar, ka dei ha khrum, katba ialade ki sah ha ka mala kaba hajrong. Katei ka kudam buh tiar, ka kem ding, ha ka por 4baje mynta mynstep bad ka ding kaba jubor bha, ka la klang, katba ki nongtrei, ki dang ioh thiah lyngngai. La antad da ki pulit, ba katei ka mala kaba hajrong, kam don jaka rung ne jaka mih satia bad dei na katei ka daw, ba ki nongtrei ki la shu iap ei baroh ha katei ka kamra thiah jongki.