Bam sarang ki nar ilektrik sha Bataw

Khliehriat. 25 Iaiong
Ka Federation of Khasi Jaintia & Garo Pepole (FKJGP) Bataw Unit myn hynnin ka sngi hapoh ka jingialam jong u president bad u General Secretary jong ka seng u Bah D.Sumer bad Bah A.Rupsi ka la leit ban kynduh ia u Assistant Executive Engineer (MeECL) Khliehriat Sub-Division, East Jaintia Hills District, Bah T Lyngwa ban buh ka jingkyrpad ha ka jingia dei bad ka rukom long ka rukom man ka bording hapoh Shnong Bataw.
Ha katei ka jingia kynduh bad u AE kane ka tnad,na ka liang ka seng ka ai da ka jingthoh halor lai tylli ki mat ki ba kongsan ha kaba nyngkong dei ban bujli ia ki nar ilektrik, ba la bam sarang,kaba ar pat ban pynkynriah ia ki post light kiba don mar syndah bad ki ing briew khnang ban lait na kino kino ki jingjia ba sngewsih khamtam eh ha ka por lyiur.Kaba khadduh eh ka seng ka kyrpad ruh ia kane ka tnad bor ding ban pynpoi bording sha kawei na ki kyntoit dong kaba kyrteng ka Khlieh Umsyngki kaba jngai kumba 600 meters ei ei na shnong.
Na ka liang u AE u la kular ban shim khia ia kite ki mat jingdawa bad u la ong ban phah jurip noh khnang bay n pyntreikam noh ia ka jingdawa jong ki.