Bam duh ka ding ia ki spah tylli ki kudam ha Rongjeng

Shillong: Palat spah tylli ki dukan bad ki kudam ki la ingkhong ha ka jingbam duh jong ka ding, ha ka step jong ka Sngi Saitjain ha Rongjeng, East Garo Hills District.

Ka jingkem ding, ka sdang naduh ka por 11.20 mynstep bad ka bteng haduh lai kynta, haduh ban da lah ban pynlip duh ia ka ding kaba klang. La iathuh ba ka ding, ka wan na ka jaka shet jingbam bad nangta ka sa pur kylleng kylleng.

Ki don 40 tylli ki dukan kiba die jain, die kha tyrkhong, die jhur bad kiwei kiba la julor bad 28 tylli kiwei ki kudam ruh ki la jot thiaw lem bad 36 tylli kiwei ki iing tap shiliang, ki la julor khoit.

Ka jingjulor  la antad ba ka la poi sha ki klur tyngka.